Sundlaug nr. 6 er Sundlaugin á Hofsósi - Best Instagrammaða laug landsinns.

Þegar maður er kominn í Sólgarð er Hofsós bara steinsnar frá, á leið manns inn Skagafjörð. Mín allra fyrstu kynni af Hofsósi var þegar ég náði mér í Skagfirðing sem kærasta á síðustu öld, en þá var þorpið í mikilli niðurnýslu og við keyrðum vanalega eins hratt og við gátum framhjá... En það hefur breist á síðustu 20-25 árum... Í dag er þetta einstaklega krúttlegt þorp og gamli hlutinn í miklu uppáhaldi hjá okkur mæðgum.

Þorpið er líklega með því allra fallegasta útsýni sem landið bíður uppá enda er sundlaug staðarinns mest myndara svæði landsinns. Það er alls ekki tekið frá þeim að byggingin og svæðið er einstalega vel valið fyrir laugina. Húsnæðið er mjög nútímalegt og flott, það kítlar auðvitað hönnuðinn í mér að fara á svona staði. Mér fannst búningsaðstaðan sniðurlega upp sett með sýrum svæðum , þurrsvæði og blautsvæði... vel hannað. Byrtan í klefunum er skemmtilega því veggirnir eru einskonar frosið gler og sturturnar eru þær allra bestu sem ég hef notað hingað til. 

Laugin er 25 m. sem er kunnuleg stærð fyrir mig, hrein og notaleg... ég klaraði 625 m. svamli innan um lítið sturtaða úrlendinga í leit að besta skotinu til að pósta á Instagram. Þrátt fyrir merkta sundbraut var það ekki virt af öðrum gestum á svæðinu. Það sem mér þótti allra verst fyrir þessa flottu laug að sundlaugarsvæðið var rosalega draslararalegt, dót, skór, föt, handklæði og allskonar drasl útum allt... Ég hef séð betri þrif á WCum og sturtum, og sýnir það líklega að álagið á þessa litlu laug er meira en hægt er að viðhalda vel. Ég vil samt minna á að ég er smámunasöm og þegar ég sé svona flotta aðstöðu, vel hannað og umhverfið æði þá þarf líka lítið til að þetta fari á hvolf. 

Það er samt alveg magnað að synda beint í norður og sjá Drangey blasa við þegar maður lyftir sér til að anda, því synti ég meira bryngusund til að njóta umhverfisinns í botn.

https://www.facebook.com/sundlauginhofsosi/?fref=ts

Við mæðgur fengum okkur gott að borða á Retro Mathús niðri við höfinan áður en við kláruðum hringinn heim... og ég held bara að ég hafi hitt draumaprinsinn minn þar líka (ekki alveg nógu hávaxinn fyrir minn smekk en)...

https://www.facebook.com/retromathus

 

 

Sundlaug nr.5 er laugin í Sólgarði í Fljótum - Fallega gamaldags.

Í gær föstudaginn 21. júlí var fallegur sumardagur, fjörðurinn var rólegur undir morgunþokunni en sólin beið síns tímar. Við mæðgur settumst uppí rauða Yarisinn hennar mömmu um hádegi, með nesti, nýja skó og sundföt... og keyrðum út Eyjafjörðinn. Við fengum að sjá fjörðinn okkar og nágrenni í nýju ljósi, með dulúð og leik sólar og þoku. Mjög fallegt sjónarspil á meðan við færðum okkur í gegnum göngin hvert á fætur öðrum... út á nyrta hlutan og svo stefnan tekin á skagafjörð. 

Ég var búin að finna laugina í Sólgarði í Fljótum á sundlaugar.is og það stóð allt eins og í bók. Að renna upp að húsunum, skóla og önnus þjónustu hús og íbúðarhús, var augljóst að maður var komin í sveitina, sólin skeyn og golan lék sér við syngjandi fugla og flugur... Við vorum einar á svæðinu og þuftum aðeins að bíða því laugin opnaði ekki fyrr en kl.3 á föstudögum. Biðin var bara dásamleg í fallegri náttúru og veðri, mjög góð sutnd til að flétta hárið og fá sér smá orku. 

Laugin er ekta lítil sveitalaug, gamaldags búningsklefar og aðstaða, samt allt til alls... Ef flísarnar á gólfunum gætu sagt sögu sína þá væri hún löng... dásamalega fallegar og notaðar. Sundlaugin sjálf er steipt og máluð eins og svona laugar voru í gamladaga, ekki nýlega máluð en hrein og notaleg. Ég var alein í lauginn að svammla mína 580 m. á meðan mamma æfði sína lágmarks ensku á stráknum í afgreiðslunni.

Ég fékk líka mitt fyrsta tækifæri til að prófa svona stökkbretti, við skulum muna að ég er svakalega lofthrædd og það er ekkert sérlega þægilegt en vá hvað er gaman að stinga sér úr svona apparati... ég þarf að komast í almennilega djúpa laug með svona bretti ... þá skal ég hoppa þrátt fyrir hræðsuna við hæðina... heheheee...

Allan tíman hugsaði ég, að þessi staður minnti mig óendanlega mikið á gömlu Þelarmerkurlaugin þar sem ég lærði að synda og vann í 2 sumur sem sundlaugarvörður sem unglingur. Þá byrjuðum við sumarið á að mála laugina, og mála trébekkina í klefunum... allt eins og í Sólgarði... fallegar minningar sem eru vel þess virði að upplifa sérstaklega þegar maður fær staðinn alveg útaf fyrir sig. 

https://www.facebook.com/sundlauginsolgardar

Sundlaug nr. 4 er sundlaugin á Grenivík - Heitur pottur með magnað útsýni.

Þegar umferðin á Akureyri er orðin þyngri en á Miklubrautinni í borginni er svo sannarlega kominn tími til að láta sig hverfa úr skurðinum. Stefnan var tekin út fjörðinn að litlu krúttlegu þorpi sem kúrir utarlega í Eyjarfyrði, Grenivík. Veðrir var rólegt, sól og nokkuð hlítt... 

Sundlaugin er efst í þorpinu og hægramegin þegar maður kemur inní það, ekki alveg augljóst en ekki falið heldur. En þegar þú labbar inní húsið þá er það greinilegt að því er vel við haldið og vel með farið... Aðstaðan er stórglæsileg og sundlaugin og allt svæðið virkilega flott.

Þetta er alls ekki strórt en ég var nærri því "Palli var einn í heiminum"... Það var sér sundbraut merkt frá leiksvæði, pottarnir vel hannaðir og fullkominn hiti... svo verð ég að taka það framm að þarna er dásamlegt kalt kar... það eru LAAAAAANNNgur tími síðan ég hef komist í almennilega kalt og gott kalt kar... Þótt að ég elski fullkomna kælingu þá var toppurinn alls ekki það, heldur útsýni sem maður gleymir sér í frá heitapottinum (reynda frá öllu svæðinu) en ég var agndofa...

Ég átti smá samtal við starfsmann sem fékk hrós frá mér og viðkomandi sagði nokkuð sem ég skil reyndar ... að það er vandamál að auglýsa þetta ekki um of því það þarf ekki mikið til að svæðið verið of troðið... Þannig ekki hafa það eftir mér að þetta er algjög gullmoli og svo sannarlega nærandi fyrir sál og líkama...

Sundlaug nr. 3 er Sundlaugin á Illugastöðum í Fnjóskadal - Perla við endan á malbikinu.

Í dag á meðan norðanvindurinn "hlíjaði" okkur hér í skurðinum ákvað ég að fara í gegnum göngin og inní fallega dalinn sem heitir Fnjóskadalur og er skogi vaxin. Þar sem malbikið endar er staður sem heitir Illugastaðir og er dásamlegur staður. Þangað náði norðanvindurinn ekki en rigningin og þokan vafði staðinn dulúð. Sundlaudlaugin lætur ekki mikið fyrir sér fara og minnti mig á gömlu  laugina í Þelamörk þar sem ég byrjaði að svamla. 

Allt í tengslum við laugina er einstaklega vel við haldið og hreint, í gömlum stíl en notalegt og blandað vissri nostalgíu sem tengist minningum æskunar. Laugin er grunn og hlí (ca.31 gráður) og því frábær fyrir góða útrás og leik fyrir krakka á meðan foreldrarnir hvíla sig í heitum potti. Laugin er 16,67 metrar að lengd og ég svamlaði 20 ferðir sem gera þá ca. 666 mertra.

Ég mæli eindregið með því að rúnta þessa 27 km. í gegnum göngin og til enda malbiksinns til að njóta góðrar stundar í fallegri perlu í þessu fallega dal.