gott að vakna við svona...

Mánudagur, 3. nóvember 2008

gott að vakna við svona sendingu...

Ég vakna þennan morgun og vel að hann sé góður
vel að hann sé yndislegur, myrkur og hljóður
ég vel að kúra um stund og staðnæmast við það
hve stórkostlegt sé lífið ef fátt amar að.

Ég ákveð því að velja að vandamálin fá
vistuð séu hjá mér til þess eins að ljá
tilverunni ennþá fleiri tilbrigði og fleti
ég tek þeim opnum örmum svo nýtt mér þau ég geti.

Og eftir litla stund ég vel að fara á fætur
faðma þennan morgun og allar hans rætur
hita mér gott kaffi af kærleik þess ég nýt
kex smyr með osti í blöðin svo ég lít.

Að endingu ég segi við þig sem þetta lest
þetta er góður dagur, hafðu það sem best
ég óska þess að hugsanir fallegar þig finni
ég faðmlag þér sendi og kveð þig að sinni.

Já ... það voru ekki bakverkir sem héldu okkur mæðginunum heima í dag heldur veikindi hjá Hetjunni minni... Hann er með hita þessi elska ... og ég er með ströng fyrirmæli um hvað skal gera í þannig málum...hann má ekki fara yfir 38c°... annas er það bara FSA sem gildir... en það er nú ekki komið að því ... Lyfin geta haft þessi áhrif á snúðinn og þá er bara að slaka á og láta þetta líða hjá... Smile

Ég er búin að komast að því að msn er ágætir fjarkennslubúnaður... því ég er búinn að sitja við tölvuna síðan kl.9 í morgun og leiðbeina og kenna nemendum mínum í gegnum þann búnað... bara gott mál.. þau eru nátturulega mjög áhugasöm og iðin upp til hópa og þá gengur þetta allt betur.

En jæja best að halda áfram með daginn ... og ég vel að hann sé góður... takk Jokka fyrir fallegu morgunsendinguna... Kissing